Fur lai (ang mai) a ni, khua a tha hman meuh lo...
Zing lampanga ruah a sur leh tak avangin dar 6:30 velah phur lutuk fahran lovin ka tho a, ruah chu a lo sur tawh lo, chhum ala awm chuai a. Tukverh ka hawng a, ka tukverh atanga langchiang lai ber, Berawtlang lam chu ka'n hawichhuak a, chhumin a lo bawh paw chuai mai a. Hmai pawh phih hman lo chuan khamera ka chuh nghal a, meng phak pheng phawngin ka klik nghal mawlh mawlh...
Khua nuam lo viau e ti lo chuan hnathawka chhuah ve ngei a ngai si a, a phurawm fahran lo thin hle. Zing atanga thla lak tan nghal chu tiin ka thil hmuh ang angte klik belh zel rilru pu-in khamera ka ak chhuak a. Chhun lama hnathawh mawlh mawlh laiin, thlang lam ka hawi thla vang vang a- zial zu vang vang chunga ka thingkung hmuh chuan ka mit a la leh ta riau. Hnathawh lai dah meuh in...
Hun ka neih vak loh avangin hna ka tan leh mawlh mawlh. Ban a hun meuh chuan engmah dang nghak hman lovin a thlawh in ka thlawk chhuak hi a ni ringawt. Ka haw tlang nal nal a, khaw nuam lo nen mahni ina hahdam taka awm veng vang chu ka thlakhlelh ber a ni. In ka thlen chuan ruah pawh a tla meuh tawh lo. Khua a thiang nuamin hawi vel a nuam em em a, chhum zing chiai chiai te chuan lung te pawh a ti leng ve lek lek...naihtuahna pawh a vak thui duh ve angreng :D
No comments:
Post a Comment