Favang lunglen

'Ber' thla a lo ni a, 'masi' a lo hnai leh ta hle mai. Hetiang hun hi tun hma atang tawha kan awllen lai leh hun dang ang lo taka nun thawveng taka kan hman thin hunlai te pawh a ni a. Mi tamtak tan chuan lung ti leng tu a ni fo thin. Hun kaltawh te kan ngaihtuah lo thei lo a, kan ngaihtuahna mai piahlamah kan thil hmuh leh hriat ten kan hun hman tawh lunglenthlak tak tak te chu min hriatchhuahtir thin. 

September ni 30 2011 a ni a, boruak inthlakthleng hunlaia tlang hrilengin kumtin danin min kal kan ngai lo. Chutiang mai mai chu ngaiah ka neih tawh avangin ka hna thulh erawh ka tum chuang lo. Hna han thawhpui dawn tak tak erawh chuan min ti khawr ve trut lo thei lo a, zelthel angreng taka ka thawh a, thâwk han laka pawn lama ka han hahchawlh lai chuan ka bulhnai vela pangpar, nidang pawha ka hmuh fo, ka en liam mai mai thin chuan lung a len ve tlat mai! Pangparte hian vul lai hun an nei ang bawkin mihringte pawh hian kan nei a, kan vul lai hun a ral hunah chuan engahmah kan laktlak tawh dawn lo tih thlengin ngaihtuahna te min siam... Chutianga ngaihtuahna nei chung zel chuan ka han click ve tak boh boh a...

Naupang rilru thianghlim tak pu-a khawlaia an che vel han hmuh te chuan lung a leng zualin, rilru a ti hlim veng veng thin.