A hman hman hian, "Zan i va mengrei thei em em ve..." min ti fo mai hi chu, "Nia" tih bakah han chhan dan vak tur hi a awm lo thei thin! "Ka talent dawn ve a nia" te ka han ti leh ngawt zel a. "Ka duh leh ka mengrei anga ka duh loh leh ka mengrei lo ang" han tih lawng mai te a chakawm rum rum thin. Zan lama kan thil tul tih min hriatpui hawt loa min zawt chawt chawt, min ngamtlak deuh te hauh tawrh reng mai hi a ninawm in 'Mengrei Generation'-a chengte tan lo chuan han hriatthiam chi lah ni hek suh.
Zan hi kan hahchawlhna tur chu a ni nameuh mai. Chumi piahlamah chhunah nilengin kan hna tul kan thawk a, tunlai khawvelah thawhrim a lo ngai tawh bawk nen, khua a lo lum tawh thin bawk si, chutiang kara duh zawng leh chak zawng ngaihtuahna fim tak han hman chu thil har tak a ni a,kei ka theih loh tawp thil a ni. Zan a lo ni a, inbual fai ver vawr leh puar peng pawnga awm hnuah uluk takin zozial han peh vang vang te hian hah a ti dam sawng sawng thin ni te hian ka hre thin.
"Chhungte min reh hma chu a zan a la intan lo em maw ni(?)" tih tur hial khawpa zan rei ngam, chhungte mut reh tawh hnua mahnia rik ruk ruk te hi a nuam satliah mai a ni lo; hetianga hun thawl tha neih hian ngaihtuahna tam tak min siamsak a, ngaihtuahna leh thil ruahman theihna tha tak hi he zan rei hian min siamsak ni te hian ka hre ve tlat thin. Chu chuan a tuka mutchhuak tur kan nih pawh dawn thei lek loin kan nitin nuna kan harsatna tawh te ngaihtuahna thar min siam a, kan hlimna te a ti belhchhahin kan hmalam hun atan ruahmanna tha tak te min neihtir a zanrei malsawmna kan dawn phah thin.
Keima tan chauh a nilo, keimah anga mengrei; Mengrei Champion zawng zawngte tan :)
'Zan a mengrei, zan a mengrei , chun a mu leh si' tih hla kha min ti hre chhuak
ReplyDeleteZan menrei vangin chhuna mut tur tihna a ni kher hleinem mawle. Zana inngaihtuahna hun tha tak kan neih hi hmanthiam a tul zawk asin :D
ReplyDeleteThis comment has been removed by the author.
ReplyDeletei zan menrei chu i hmang thiam mah2 lo maw???
ReplyDelete