Berampu Tha
“Nangmahni’n eitur pe rawh u”
Johana 10:11, Luka 15:3-7, Matthaia 14:15-16
Johana 10:11, Luka 15:3-7, Matthaia 14:15-16
Zanin ka thuchah sawi tur hi ka hriatna a rei tawh a, inbuatsaihna hun tha tak pawh ka nei a, amaherawhchu Branch pahnih te’na kan hlawkpui tur engnge ni ang aw(?) tia ka inngaihtuah chhung a rei khawp mai. Ka rilruah thupui tur hrang hrang a lo lut ve a, chu’ng thupui hmangte chuan ka’n inbuatsaih dawn uk uk thin a, mahse ka rilruah erawh ‘Berampu’ tih ringawt hi a lian khawp mai a, zanin hian Berampu tih hi kan zirho leh kan ngaihtuah ho atan ka’n thlang duh a, hemi hmang hian thiam ang angin Pathian thuchah sawi kan tum dawn a ni.
Beram ven hna hi khawvela hna upa berte zinga mi a ni a, kum 6000 chuang kalta atang khan Asia Minor bawr velah chuan an lo ching tan daih tawh a, a hnua khawvel hmun hrang hrangah an ching chho zel niin an sawi. Beram thenkhat hi chu mihring ten ransa dang an vulh thin– vawk te, ar te nen an dah pawlh ve mai thin a, amaherawhchu an ei tur hnim hring awmnaah tla tura hruai te a ngai thin a ni. Beram vengtu, Berampute hian an hna ber chu an beram rual ven laite vil reng a, ramsa hlauhawm tak tak lak atan him taka an awm theih nana ven a ni.
Kan Bible-ah hian Berampu kan hmuh hmasak ber chu Abela (Gen. 4:2) a ni a, ani hnuah hian Abrahama (Gen.12:16), Rakili (Gen. 29:9), Jakoba (Gen. 30:31-40); Mosia (Exo.3:1), Davida leh Bible-a mi lar tak tak te leh Bible Heroes (kan tih) zawng zawng deuhthaw hi beram vengtu an lo ni deuh fur hlawm. Beram ven leh Beram chungchang hi vawi 200 chuang teh meuh kan Bible hian a tarlang a, Thuthlung Thar bikah Berampu tih hi vawi 16 a tarlang bawk. Hebrai tawng chuan saptawnga shepherd tih hi “chawm” (feeding) ti angin an letling a; beram ven mai piahlamah a chawm chu an hna pawimawh tak a ni tel a ni. Tin, tuna “Pastor” tih tawngkam lo chhuahna pawh hi Latin tawnga Berampu tihna tho hi a ni awm e. Sam 23-naah chuan Berampu hi Pathian sawi nan a hmang tih kan hmu a. Lal Isua ngei pawh kha Berampu tha tak anga insawiin a beram enkawl dan atang pawhin kan rawngbawlna atana thil pawimawh tak tak pawh min hnutchhiah a ni. Kristiante mai nilo, sakhaw dangte pawh hian beram ven chungchang hi an sawi ve nasa hle. Islam zawlnei Muhammad-a pawhin berampu anga an sakhaw nundan a han enkawl dan velah a lungawi hle a, tin, Sikh sakhaw zuitu te paw’n, “Keini hi ran rualte chu kan ni a, Pathian hi keini, a beramte vengtu chu a ni...” an lo ti ve thin bawk.
Beram ven hna hi hna sang tak niin a lang lem lo a, amaherawhchu hna hautak ve tak a ni. Inpek a ngaiin engemaw chang chuan beram tla vel thlir mai mai chang awm thin mahse, a tam zawkah chuan ven tak taka ven an ngaih changte pawh a awm, huaisen a ngai em em a, sakawlh pui pui lakah te chhanhim an ngaih chang te a awm thin. An tlat thinna hi hmun sang leh chhe tak takte a ni thin a, a chhan chu hmun hniam leh ram nuam deuh ah chuan thlai an chin thin avangin beram tan tlat a remchang thin lo a, chu chuan berampute hna a tih hautak belh hle bawk. Beramte hi insi rial leh inhnaih te tea awm thin an ni a, tlema tla hrang deuh ni-a an inhriat chuan mangang nghal zel a ni. Tin, an hmul vel avang hian an khaw hawi a zim a, a fiah lo nasa hle bawk; heng avang hian a hu hovin, insi rialin an tla dial dial thin a ni awm e.
Berampu tha chungchanga Lal Isua zirtirna:
Lal Isua hian Berampu tha a nih zia hi a sawia sawi mai lovin a takin a lantir a, midangte tehkhin thu hmang ten a zirtir nasa thei hle bawk. Tehkhin thu a sawi tam tak zinga pakhat: Kan Bible chang chhiar tak- Luka 15:3-7 leh Johana 10:11thu atang te hian i’n ngaihtuah ho dawn teh ang:
1) Berampu tha chuan a zawng thin:
- Hemi bung leh changah hian Berampu chuan a Beram sawmkua leh pakuate kalsan teh meuh in pakhat bo chu zawn hmuh a tum hram hram a, a hmuh hma chu a zawng ngat ngat thin. A beram chungah a thinur reng reng lo a, thinur ahnêkin a hmuh hunah chuan a lawm em em thin a ni.
Hetiang chiah hian kan Lal Isua kha min tlan turin he khawvelah a rawn kal a, kan sualna te laka chhandam kan nih theihna turin kan bo tawh hnu min rawn zawng hmu a ni.
2) Berampu tha chuan a zawng hmu thin:
Kan Bible chang tarlanah hian berampu chuan a beram a hmuh in a kokiah a pu tih kan hmu a, a lawm em avangin eng anga rit nge a nih a ngaihtuah tawh lo, lawm takin a pu mai a ni. Chutia a kokia a put na na na chuan a him em em tawh a, in thlengin a pu thleng zak mai a ni.
Mat.11:28-a kan hmuh angin Lal Isua hian thawkrim leh phurrit phur te hahchawlhna a nih thu min hrilh a, amahah chuan kan himin hahchawlhna kan hmu thin a, chatuana nunna kan chan theih phah a ni tih Johana lehkhathawnah kan hmu. a ni.
3) Berampu tha chuan a beram a hruai haw thin:
Berampu chuan a beram bo a hmuh leh chuan a hlim em em a, thiante leh a vengte ko khawmin lawmpui turin a sawm a, kawng tluana kokia pu-in inah a hruai haw tih kan hmu.
3) Berampu tha chuan a beram a hruai haw thin:
Berampu chuan a beram bo a hmuh leh chuan a hlim em em a, thiante leh a vengte ko khawmin lawmpui turin a sawm a, kawng tluana kokia pu-in inah a hruai haw tih kan hmu.
Hei hian a entir nia lang chu, Lal Isua kan hmuh hian, kan rawngbawlna in rah tha a chhuah a, Isua la hre ngai loten Isua kan hriat hian vana mipuite an lawm thin tih kan hria a, Amah kan zui phawt chuan min hruai haw a intiam a ni tih te pawh kan hre theuh awm e.
KTP ten thil tum pali kan nei a, "A dang a pawimawh lo e" ka tihna ni lovin, a hmasa ber, ‘Isua Krista leh amah anna kawnga thalaite hruai’ tih hi tlem han sawi zauh hret ka’n chak deuh a:–
Zanina thuchah tur ka inbuatsaih lai hian kumin 2013 KTP Rorel Inkhawma report leh Presbytery Inkhawmpui, hmanni lawka kan hman zawh tak Statistics report te kha ka rilruah a awm reng, Mizoram puma thawhtan zan inkhawm zat hi chawhrualin 22.81% inkhawm ang chauh kan ni. Hei hian ngaihtuahna a ti thui a, a bik takin hruaitu dinhmuna din phei chuan a ti thui lehzual. Kan thalai tam zawkte hian engvangin nge KTP-a inkhawm hi an inthlahdah tak mai(?) tiin ka in zawt fo thin.
KTP rawngbawlna, KTP inkhawm, KTP fellowship, activities leh thil dang dang, hla zir, hnatlang te pawh a niang, chutiang thlakhlelh nachang reng reng hrelo kan thalai puite hi kan beram ni hlawm teh se. Berampu chuan huaisen takin a bei a, a zawngchhuak ang khan eng ang harsatna, sual thiltihtheihna pawh lo thleng se, chhel leh huai takin, inngaitlawm leh zawldawh takin kan thalai pui, kan thiante Isua hnen hruai thlen hi kan tih makmawh, kan kova innghat tlat a ni tih i hre thar leh ang u. Ka sawi uar em em thin pakhat chu– Tunlaiah khawvel a changkang tawh a, sualna pawh nasa takin thil changkang tak tak hmangin a rawn inlar a, zual lam a pan zel a ni. Hetih lai hian KTP member, Lal Isua zuitute hi kan awm mai mai a remchang lo ka ti thin. Heng tunlai mila sual changkanna hi lo bei let ve thei tura changkanna lam kan pan uar deuh deuh a pawimawh khawp mai. A tul a, kan zinga kan hruai theih phahna tur a nih phei chuan kan thalaipui inti changkang ho aia Lal Isua zuitu kan ni tih an hriat theih tur si a changkan zawk te pawh hi a sual awm lo e. Lal Isuan mi sangnga a hrai tum khan, a zirtirte chuan mipui rawn pungkhawm te kha ei tur an lei theihna turin kaltir rawh tiin an ngen a, mahse Lal Isua chuan mipui te kal bo a phal awzawng lo, “nangmahni’n eitur pe rawh u” a tih ang khan, active member sa te hian member tlangnel lo leh inkhawm ngai lote tan hian an eitur i pe ang u.
Diktak chuan member hla zawkte tan hian kan zinga awm hi a chakawm teh fahran loh thin tir’u? Incheina ka nei lo tih te, an inti hrang beek2 tih te, solfa ka thiam lo tih te, hun ka nei lo tih te...(a tam mai) heng hi member hlate chhuanlam a ni tlangpui thin? Mahse heng an chhuanlam hrang hrangte hi haider luih tlat a ngaih changte a awm thei. A pawimawh berah chuan Thlarau Thianghlima kan khah a tul a ni. Kan zai boruak hrim hrimte hi kei ka duhthu a lo sam lo thin a, ka duh danah tak chuan, KTP mai nilo Kohhran inkhawm thleng hian, hlim takin kan awrawl neih zawng zawngin zai thin ta ila, pawn lam mi tana telve chakawm khawp te hian zai thin ila ka duh thin.
Tin, kan nitin nundanah te hian min lo teh nasa thin khawp mai. Mi ho deuh mai, fiamthu fahrah te te hmanga nui thler vak vak thin hi ka nia, hemi chungchangah hi chuan kei ngei pawh ka hlawhchham chiang khawpin ka inhria, fimkhur a ngai khawp mai. Keimahni theuh hi taksa, rilru leh thlarau ah insiamthar lehzual te pawh kan ngai hle awm e.
Engpawh nise, zanina kan sawi tak ang khan, kan rawngbawl leh zelna turah Berampu tha tak kan nih a, midangte Lal Isua hnen hruai thlenga, an tana malsawmna kan nih theuh theih nan Lalpan kan thusawite mal min sawmsak rawh se... Amen.
Zanina thuchah tur ka inbuatsaih lai hian kumin 2013 KTP Rorel Inkhawma report leh Presbytery Inkhawmpui, hmanni lawka kan hman zawh tak Statistics report te kha ka rilruah a awm reng, Mizoram puma thawhtan zan inkhawm zat hi chawhrualin 22.81% inkhawm ang chauh kan ni. Hei hian ngaihtuahna a ti thui a, a bik takin hruaitu dinhmuna din phei chuan a ti thui lehzual. Kan thalai tam zawkte hian engvangin nge KTP-a inkhawm hi an inthlahdah tak mai(?) tiin ka in zawt fo thin.
KTP rawngbawlna, KTP inkhawm, KTP fellowship, activities leh thil dang dang, hla zir, hnatlang te pawh a niang, chutiang thlakhlelh nachang reng reng hrelo kan thalai puite hi kan beram ni hlawm teh se. Berampu chuan huaisen takin a bei a, a zawngchhuak ang khan eng ang harsatna, sual thiltihtheihna pawh lo thleng se, chhel leh huai takin, inngaitlawm leh zawldawh takin kan thalai pui, kan thiante Isua hnen hruai thlen hi kan tih makmawh, kan kova innghat tlat a ni tih i hre thar leh ang u. Ka sawi uar em em thin pakhat chu– Tunlaiah khawvel a changkang tawh a, sualna pawh nasa takin thil changkang tak tak hmangin a rawn inlar a, zual lam a pan zel a ni. Hetih lai hian KTP member, Lal Isua zuitute hi kan awm mai mai a remchang lo ka ti thin. Heng tunlai mila sual changkanna hi lo bei let ve thei tura changkanna lam kan pan uar deuh deuh a pawimawh khawp mai. A tul a, kan zinga kan hruai theih phahna tur a nih phei chuan kan thalaipui inti changkang ho aia Lal Isua zuitu kan ni tih an hriat theih tur si a changkan zawk te pawh hi a sual awm lo e. Lal Isuan mi sangnga a hrai tum khan, a zirtirte chuan mipui rawn pungkhawm te kha ei tur an lei theihna turin kaltir rawh tiin an ngen a, mahse Lal Isua chuan mipui te kal bo a phal awzawng lo, “nangmahni’n eitur pe rawh u” a tih ang khan, active member sa te hian member tlangnel lo leh inkhawm ngai lote tan hian an eitur i pe ang u.
Diktak chuan member hla zawkte tan hian kan zinga awm hi a chakawm teh fahran loh thin tir’u? Incheina ka nei lo tih te, an inti hrang beek2 tih te, solfa ka thiam lo tih te, hun ka nei lo tih te...(a tam mai) heng hi member hlate chhuanlam a ni tlangpui thin? Mahse heng an chhuanlam hrang hrangte hi haider luih tlat a ngaih changte a awm thei. A pawimawh berah chuan Thlarau Thianghlima kan khah a tul a ni. Kan zai boruak hrim hrimte hi kei ka duhthu a lo sam lo thin a, ka duh danah tak chuan, KTP mai nilo Kohhran inkhawm thleng hian, hlim takin kan awrawl neih zawng zawngin zai thin ta ila, pawn lam mi tana telve chakawm khawp te hian zai thin ila ka duh thin.
Tin, kan nitin nundanah te hian min lo teh nasa thin khawp mai. Mi ho deuh mai, fiamthu fahrah te te hmanga nui thler vak vak thin hi ka nia, hemi chungchangah hi chuan kei ngei pawh ka hlawhchham chiang khawpin ka inhria, fimkhur a ngai khawp mai. Keimahni theuh hi taksa, rilru leh thlarau ah insiamthar lehzual te pawh kan ngai hle awm e.
Engpawh nise, zanina kan sawi tak ang khan, kan rawngbawl leh zelna turah Berampu tha tak kan nih a, midangte Lal Isua hnen hruai thlenga, an tana malsawmna kan nih theuh theih nan Lalpan kan thusawite mal min sawmsak rawh se... Amen.
No comments:
Post a Comment